發新話題
打印

鬼!鬼!鬼!

鬼!鬼!鬼!

好多人係信有鬼,但係有人話唔係,
究竟鬼係點既樣,始終依然是個謎。
有人話一縷輕煙,有人話真實個體,
有陣時白衫長髮,有陣時成身鼻涕。
怎可幫佢量高矮?點先度到佢三圍?
量度要用碼呎吋?定已改用十進制?
人話魔鬼會吸血,但係又有鬼食泥,
食到老左變老泥,你都咪話唔閉翳。

查實家陣鬼同人,係咪同一樣野黎?
最憎既人係衰人,最愛既人係衰鬼!
追女甘做吊靴鬼,黑警最怕係番鬼,
古堡內有吸血鬼,整個烏盆又有鬼。
街邊小販要走鬼,秦檜夫婦油炸鬼。
有水鬼但冇火鬼,盞燈下面冇盞鬼,
生左隻鬼唔生鬼,搞鬼既人唔搞鬼。
鬼馬係黑定係白?鬼腳是否劃出黎?

其實,
做人只要放開些,萬事都會冇問題,
唔理今日七月七,定係明日哈佬喂,
就算撞車或撞邪,人生也會現光輝。
心情鬼死咁開心,樣子鬼死咁美麗。
幸運兒不是我
因為我選擇的路更難走
如果夠出色
卻不能出頭
至少也做到沒第二個我

TOP

發新話題