發新話題
打印

拯救死亡硬碟機 !!!

拯救死亡硬碟機 !!!

相信大家都有過死硬碟機經歷 !! 悲慘情況,真係聞者傷心,聽者落淚 !!

除非唔用電腦,唔係分分鐘係您最唔為意時,悲劇又會一再發生 ~~
眾多硬碟品牌中,無一個會係長命百歲,
理論上隻隻都有機會面對死亡威脅,只係遲與早,同死得有幾慘烈既分別 !!

近年我既對策,就係每次買硬碟機,會同時買兩隻,要同牌子,同型號,仲要同埋一 LOT 貨 ..



呢個做法,終於係今日見到好處 ..

同時買兩隻同一型號,同期產品,並非打孖買有著數,呢招係黎自幫人搶救硬碟資料公司中偷師的。
兩隻硬碟,並唔係一隻同另一隻做 backup ,唔係一隻做野,一隻長眠做士啤,
基本上,我兩隻都用盡,平常各有各工作,各自有存放唔同 files ...
但非同時同一部機內工作,所以兩隻同時死亡機會好低,放心 !!

先講講硬碟構造 .. 咁會容易明白擁有兩隻孖生硬碟好處 ...
(出事後先上腦場搵貨,怕且都唔易..,搵到同型號,可能唔同期,廠方部份物料改變左,新舊唔相容,一樣無用。)

硬碟結構可以粗略分為兩大部份,機械物理部份,包括記錄資料金屬磁碟,磁碟轉動摩打,磁頭,動臂等等 ..
呢部份除非入水或者遭到重擊,一般損壞機會率都比較低,
如果呢部份損壞,亦無能力自行維修(要係絕對無塵房拆修),死心吧 !!

另一部份,就係由電子零件組成摩打轉動控制同數據轉換電路板,
電子零件,平常電源開關時瞬間沖擊,同過高溫度,都會較易損壞,所以一般死硬碟,好多時都係電路板的問題。
呢部份,亦係我地有機會救得返既一部份 ..

有兩部一式一樣硬碟,其中一部出事,最簡單拯救方式,就係先對調兩塊電路版 ...



對調後如果有問題的一部可以正常讀到資料,就可以把握機會,將有問題硬碟資料,即時抄走,抹去一殼眼淚 !!
(據專幫人救資料公司講,呢招通常有80%機會成功收到錢 .. )
當然 .. 對調後死的依然無起息,就惟有節哀,要另想辦法了 ~~



今次我比較好彩,對調底板後,死的回魂了,而且換板過程中,
發現底板同硬體之間訊號接觸點,表面有大量氧化的污染物,
於是乎請出神奇文具 .. 擦筆,輕輕將污漬擦走 ..



哈 ~~ 硬碟機果然死而復生,相信呢批底板做好之後一直庫存,好耐先做落機,所以 ~~ 又或者,泰國真係比較潮濕吧 ..



大家以後硬碟出事,未蓋棺埋葬前,可以拆開底板,睇下有無死雞執,或者可能救得返儲存左幾年既心血 !!

TOP

引用:
原帖由 sam 於 2012-4-19 19:07 發表
相信大家都有過死硬碟機經歷 !! 悲慘情況,真係聞者傷心,聽者落淚 !!

除非唔用電腦,唔係分分鐘係您最唔為意時,悲劇又會一再發生 ~~
眾多硬碟品牌中,無一個會係長命百歲,
理論上隻隻都有機會面對死亡威脅, ...
實際兼好有用!
學習了!唔該晒!sam師傅!

TOP

TOP

引用:
原帖由 jackson 於 2012-4-19 Thu 19:18 發表

實際兼好有用!
學習了!唔該晒!sam師傅!
唔駛學架, 硬碟有事交俾sam師傅幫你搞掂咪重好
不過入面的相片就曝晒光啦

TOP

引用:
原帖由 放假一條龍 於 2012-4-23 13:13 發表


唔駛學架, 硬碟有事交俾sam師傅幫你搞掂咪重好
不過入面的相片就曝晒光啦
車!又唔係5級照片!有乜所謂o丫!
重要sam師傅幫我執埋相添!

TOP

引用:
原帖由 jackson 於 2012-4-23 Mon 17:43 發表

車!又唔係5級照片!有乜所謂o丫!
重要sam師傅幫我執埋相添!
我收好平既姐 ....  

TOP

it is work, I tried before!!!

TOP

引用:
原帖由 edison133 於 2012-6-25 Mon 13:48 發表
it is work, I tried before!!!
嘻 .. 有備無患 ....

TOP

發新話題