發新話題
打印

電子防潮櫃

電子防潮櫃

想買電子防潮櫃,邊隻牌子可靠呀?
抽刀斷水水更流,舉杯消愁愁更愁。
人生在世不稱意,明朝散髮弄扁舟。

TOP

不計成本,信牌子計。
首選日本TOYO,不過近年既貨,應該都係MIC啦 ..
次選台灣收藏家。
最後 ~~ 去鴨街是旦抬走一隻,大陸貨,牌子只係浮雲 !!

TOP

收藏家現在都是mic,近呢兩年賣的一樣好易壞。

TOP

那 PROCAN 又如何呢?永成嗰職員話 PROCAN 啲質量好過收藏家。
抽刀斷水水更流,舉杯消愁愁更愁。
人生在世不稱意,明朝散髮弄扁舟。

TOP

而家係冇一個品牌會比較耐用,最緊要是它的售後服務。

TOP

用電子防潮櫃是為了一努永逸,如果咁多手尾跟,好似用防潮箱好過。
抽刀斷水水更流,舉杯消愁愁更愁。
人生在世不稱意,明朝散髮弄扁舟。

TOP

引用:
原帖由 Winky 於 2011-12-18 Sun 18:10 發表
用電子防潮櫃是為了一努永逸,如果咁多手尾跟,好似用防潮箱好過。
一個MIJ TOYO 接近20年,另一個 MIC Everone 都應該有15-16年起碼。

TOP

如果5年內唔壞我就收貨啦。最近買咗間屋仔蝸居,無以前租屋咁大,唔用電子防潮櫃唔得。
抽刀斷水水更流,舉杯消愁愁更愁。
人生在世不稱意,明朝散髮弄扁舟。

TOP

五年內冇小毛病,都幾難囉!

TOP

回復 7# sam 的帖子

咩叫MIJ, MIC?
以欣賞及感恩的態度,去感悟生命中的祝福

TOP

東洋、支那。

TOP

MIC = made in China
MIJ = made in Japan

我都係近排才學識這兩個terms
快樂願與大家同享, share the joy with you

TOP

回復 9# 老中青 的帖子

我個Everone 用咗唔夠5年喎......大吉利是暫時都仲好好.........  
Nikon - I'm Lovin' it
D5 / D3s / D-200 / F80 / F2 - Photomic

TOP

我個 22L 膠膠防潮箱,都用了18年,我用吸濕大笨象+脫養劑。
好多人唔知用電子防潮都要加脫養劑
附件: 您所在的用戶組無法下載或查看附件

TOP

回復 14# DeepSea^^ 的帖子

咦....真係無用喎...!!!點解仲要用呢?
Nikon - I'm Lovin' it
D5 / D3s / D-200 / F80 / F2 - Photomic

TOP

引用:
原帖由 DeepSea^^ 於 2012-11-30 Fri 17:07 發表
我個 22L 膠膠防潮箱,都用了18年,我用吸濕大笨象+脫養劑。
好多人唔知用電子防潮都要加脫養劑
坊間已經証實左吸濕大笨象會損害鏡頭,
將空氣水份轉化成水過程(或盛水兜內化學物質)會釋放出某種氣體,
氣體進入鏡頭,會將複合玻璃用膠水溶解,鏡片表面會有一層似霧氣物質,
通常呢類溶膠鏡頭都無得抹無得醫,除左換鏡片。

仲有就係同已經曝光底片放埋一齊,亦會另底片起霧報廢(相信亦係溶膠反應) .....

吸濕大笨象只適用於衣物,生產商都無建議用係其他須要防潮保護地方(如藥材及部份化學品),
宜慎用之 ~~~

TOP

引用:
原帖由 sam 於 2012-11-30 Fri 18:56 發表

坊間已經証實左吸濕大笨象會損害鏡頭,
將空氣水份轉化成水過程(或盛水兜內化學物質)會釋放出某種氣體,
氣體進入鏡頭,會將複合玻璃用膠水溶解,鏡片表面會有一層似霧氣物質,
通常呢類溶膠鏡頭都無得抹無得醫 ...
吸水大笨象的主要成份是 Ca(CO3)2
吸水的化學反應是:
Ca(CO3)2 + H2O ---> Ca(OH)2 + CO2

所釋放出某種氣體是指 CO2 ,即是二養化炭,大家相信二養化炭可以將複合玻璃用的膠水溶解嗎???
鏡頭霧化的真正原兇是養氣,養氣可以把很多東西變成養化物。如果真的是膠水溶解,鏡片依然是透明狀,只是厚度不均;但養化物是不透明,而且大多數養化物是白色。
很多人只知道要防潮吸水,而不知要用脫養劑吸走養氣。大家留意下新買的鏡頭和相機,很多時在包裝內有兩小包白色的吸氣劑,很多人誤會以為那是防潮劑,其實那是脫養劑!
我不清楚坊間用甚麼方法去証實吸濕大笨象會損害鏡頭,連用甚麼氣體可以去溶解膠水都講唔出,我會有保留。但我自己身體力行,做了18年實驗都無辨法用吸濕大笨象去損害鏡頭。
正如我之前提過,有能力傷害鏡頭,第一位是水份;分二位是養氣。除了除濕外,還要除養。
只有行內人知道保存鏡頭要用脫養劑,這是行內秘密,不會告訴街外人。
一來講出來未必有人信;二來教識了人客,以後還會有人來修理鏡頭嗎?
附件: 您所在的用戶組無法下載或查看附件

TOP

引用:
原帖由 SWLaw 於 2012-11-30 Fri 18:04 發表
咦....真係無用喎...!!!點解仲要用呢?
防止鏡頭和鏡片養化,即是所謂的"霧化"!
脫養劑大約人民幣 RMB$18 /800g
附件: 您所在的用戶組無法下載或查看附件

TOP

學到野了
多謝DeepSea^^資訊

TOP

回復 17# DeepSea^^ 的帖子

其實呢隻大笨象可唔可以用係攝影器材,都討論左好多年,
CaCl2遇到空氣中水分子,係會溶解成為水滴,保存係大笨象盒底,
一般防潮珠就吸收水分子,吸飽水分子後變紅色,加熱可以將水分出排出再用,
部份電子防溝箱用冷凝方式收集空氣水分,同樣用熱再揮發出箱外。

我既理解好簡單,生意人分分鐘都係想住點樣賺最多錢,
大笨象吸水之餘對光學產品有無副作用,相信造大笨象間公司最清楚.
如果除左吸濕唔會損害鏡片,仲唔大力推廣咩,開多個市場賺多筆 ~~
相反如果真係對鏡片有影響而又推廣俾人做器材防潮,係外國好易俾人告到賠埋間廠 ....

仲有,並非所有鏡頭都用複合鏡片構造,無複合鏡組,當然無事,
我講溶左膠水個層"霧",係變左質膠水,唔係氣體,只不過我用"霧"形容 ...

總之 ... 各施各法,大家都係將知識相傳,用家自行判斷,各取所須吧 ~~
附件: 您所在的用戶組無法下載或查看附件

TOP

引用:
原帖由 sam 於 2012-12-1 Sat 00:33 發表
其實呢隻大笨象可唔可以用係攝影器材,都討論左好多年,
CaCl2遇到空氣中水分子,係會溶解成為水滴,保存係大笨象盒底,
一般防潮珠就吸收水分子,吸飽水分子後變紅色,加熱可以將水分出排出再用,
部份電子防溝箱 ...
我諗要先搞清楚吸水大笨象放入密封的防潮箱內,有無那麼多水份可以瑩結吸走,多到足夠溶解成液態?
如果隻大笨象見到水份液態,即是個防潮箱不是密封,即然個防潮箱溜氣,個箱本身就有問題要換。
如果是人為疏忽,例如沒有完全封好,最少都要三個月才可以溶解隻大笨象出現液體。
換句話說,隻大笨象在開放環境下工作,依然保持了三個月旱乾,保護了鏡頭三個月。
我經驗是放入防潮箱內2年,隻吸水大笨象還是固體,未見有任何水滴液體。
如果見到隻大笨象有少少液體,大家都會想辨法查出密封問題和更換了隻大笨象。
鏡頭膠水變質,同養氣有直接關係。
我反而從另一市場角度諗,如果大家都用吸水大笨象,誰會買電子防潮櫃?
電子防潮櫃的利錢大定吸濕大笨象利錢大?
大家可以用 Yahoo 查下"鏡頭霧化",機乎所有出問題鏡頭都是用電子防潮箱或防潮珠!
即是話鏡頭霧化同吸水大笨象無關,是電子防潮箱商人用來嚇用家。

TOP

以前機、鏡少,用防潮珠防潮都可以。近呢十幾年,機、鏡增加了不少,改用冇味的吸濕大笨象抽濕,啲機、鏡都未有事。

TOP

咦?我都冇留意呢個問題,但係我用左電子防潮箱十多年都相安無事呢!
Canon user,Hi-Fi,攝影,旅遊發燒友

TOP

濕度太乾和温度太高,反而更容易出事。

TOP

http://www.dchome.net/portal.php?mod=view&aid=63

電子防潮櫃內,Zeiss 鏡都出現霧化。

TOP

互聯網影響力不用勿視,我地作為一個公開網站管理人員,對一切可能引起不安言論,都有責任要向公眾作出清晰交代。

http://www.dchome.net/portal.php?mod=view&aid=63

在這一篇說及分享修復離膠鏡片(即鏡片黏合膠水溶解)文中,並無隻字說及離膠及鏡片霧化,係因為存放在電子防潮箱引起,
照文字理解『但有天在防潮櫃拿起支有離膠,但不影響成像的鏡來玩』可能此鏡放入防潮箱前,早已經知道有鏡片離膠問題。
而鏡片膠水溶解後出現霧化現象,我前文已經講過,係溶膠後所出現的連鎖反應,相信非防潮箱之罪,
鏡片黏合膠水出現溶解後,無論轉移任何地方存放,溶解後膠水都會慢慢變質,由透明變成矇矓一片的霧化現象。

電子防潮箱使用者,不須過份擔心。
附件: 您所在的用戶組無法下載或查看附件

TOP

綜合多篇討論影響器材保存方法帖文,最終大家都提出一點,任何防潮方式都有優缺點,最重要係適當地使用,
出事引起器材損壞,往往都係未了解物品使用方法,錯誤地使用所至,
用任何方式保存器材都好,使用前必須熟讀廠方的使用說明書,清楚使用方式,正確地使用,才可以達到預期效果。

電子防潮箱保存攝影器材,亦非萬全,正如老中青提到,〔濕度太乾和温度太高,反而更容易出事。〕



太乾會使到相機及鏡頭內閏滑油硬化或消失,溫度太高塑膠部件會變型及提早老化等等,
使用電子防潮箱,要注意保持適當濕度控制,及部份電子防潮箱抽潮過程中會產生熱量,都須要留意有否影響器材。
更曾發生過電子防潮箱自焚,箱內器材全數報廢事件 ... 要留意。

DeepSea^^ 更提供出使用吸濕大笨象替攝影器材做防潮的寶貴經驗。


〔我經驗是放入防潮箱內2年,隻吸水大笨象還是固體,未見有任何水滴液體。〕

這點極之重要,過去經驗話俾我地知,大笨象中白色物品遇到空氣中水份子,產生的化學反應,會破壞鏡片黏合膠水層 ..
而CaCl2發生變化之後,會成為含鹽份極高鹹水,鹹水對器材會有甚麼影響??無須多講了 !!

所以,使用大笨象唔可以使其液化,要不時監察,確保存放攝影器材容器全密閉,相當重要,
當發現大笨象出水,就要即時換隻新的,有水的不可以再同攝影器材放在一起,

條條大路通羅馬,只要使用方式正確,用任何方式都可以,無話邊一個方式最萬全妥當,
亦無話邊一個方式死梗,各自衡量選擇善用吧。
附件: 您所在的用戶組無法下載或查看附件

TOP

我也想在此分享一吓我的經驗。

由我最初玩攝影開始,喺用個紅色、高身的嘉頓雜餅罐貯存器材的。再車個有拉鍊的白布袋,載入2、300克茶葉吸濕,每次封罐前我都會用冷氣抽濕2、3小時,每年立春前更換茶葉,後來改用 UNIQUE 和 紅A 的防潮箱。

這方法我用了31年,效果一直都好滿意,而且D相機、鏡頭仲有茶葉嘅芳香添。
抽刀斷水水更流,舉杯消愁愁更愁。
人生在世不稱意,明朝散髮弄扁舟。

TOP

發新話題