發新話題
打印

20090322 墮山驚魂

20090322 墮山驚魂

路線:荃錦坳>光明頂>山火瞭望站>元朗仔>吉慶橋>伯公坳>荔枝山莊>大棠

今日天氣初時有霧,到達荃錦坳時,能見度約四、五十米。起步時,發現山徑有點跣,但係大家都好順利落到去通往光明頂的山徑上。因為拍照,我是最後一個離開,去到甲龍林徑交界位的髮夾灣,過得不太順利,稍一停頓,繼續,發現已追上同伴們,因為前面慢落,我在後面跟著慢慢的滑行,可是就在滑落石坡時,可能頭剎用得多了點,突然車尾屹起,人就失平衡跌落山坡,意識上雙手拼命抓著身傍的東西,可是下落的速度太快,人又打了若干個360度的筋斗,小樹也抓斷了幾棵,又感覺到頭頂撞上大石,之後兩打兩個筋斗,總算被樹木欄阻到,不至於跌到落下面的『英國仔』。根據各人估計,我跌了約十米左右。

各人發現我掉落之後,立刻回頭救我,我亦大聲喊叫『我人無事,無受傷』;其實事後發現左胸上部近手臂位置出現了好像被獸爪的傷痕,手臂也有點擦損,呼吸測試就唔覺肋骨有問題,應該只是肌肉的損傷。經過各人的努力與智慧,總算將我扯回路上;當時,亦有幾位車友已跑到下面的山徑『英國仔』預備接應,因為我掉落去的山坡,其實應該叫直坡,泥好鬆,又無什麼能扶持借力的東西,就是人憑雙手也不容易爬上去,行況還有我的單車,有人提議將單車踢落去,在下面的英國仔執返。但係我就怕中途有些什麼阻礙,單車跌唔到落去,要取回就更難。

因為繼續踩車,腎上腺素與多巴胺的分泌,當時唔覺得好痛,但係踩完元朗仔,落到水塘的車路時好痛,周老闆要繼續踩多程清快塘、『高速公路』,我好痛,唔想再踩,亦有幾位車友想早點繼續行程,去睇越野單車賽,大家一齊跟周老闆講拜拜。其實,最痛係去到大棠食飯的時間,飯後又慢慢的無咁痛。

光明頂之後,亦有一位我不認識的車友炒車,我到達時,他們已處理好面上的傷口,相信都幾傷,要叫救傷車入院。

講講我們今次的重點路段『元朗仔』,真係好好玩,峰火臺起步之後,我接近全部落到,係中間有車友在前面窒步,我停了一次,再起步就控制不太好,轉唔到灣,撞上樹叢,之後就一次過落到下面的山徑。

註:該區有幾段多灣的陡坡路段是以 XX仔命名。若干年前,有一法國人開發了一段落山路段,後來為了溝通方便,大家都會說:去踩法國仔。後來有一條山徑叫『英國仔』。
數月前,得知山火瞭望台附近被開發了一條新的落山路段,我們試踩之後,我曾在單車論壇說這是加長版的『法國仔』,不久之後論壇上有人出了段聲名,內容不在這兒抄錄了,總之就好唔高興,要正名為『上水仔』,因為是一班上水車友數星期的辛勞開出來的,繼後,若干星期前,聽聞上水仔附近,又被開出一條『元朗仔』。
附件: 您所在的用戶組無法下載或查看附件

TOP

咁都仲掛住影相,驚死人啦,
保重呀
以欣賞及感恩的態度,去感悟生命中的祝福

TOP

我要回覆2# Lydia 的帖子

多謝 Lydia。

影別人抄車受傷影得多,自已影自已都係第一次;當時我個位進退兩難,攬著棵樹唔郁得,趁著這空檔時間影下相。

TOP

玩落山單車真危險,  長青以後要小心了.

TOP

我要回覆4# 放假一條龍 的帖子

多謝關心

TOP

切記小心為上呀~
http://www.phomon.com/gallery/vicma
http://www.vicmalee.com

TOP

我要回覆6# 李域馬 的帖子

是的

TOP

版主請小心保重.

TOP

我要回覆8# GP73 的帖子

TOP

嘩,咁你都仲有閒情影相0既?你對攝影0既熱情真係令我五體投地!

不過真係要小心喇!
The Biggest Mistake Is Not Trying.
http://evanslym.blogspot.com/

TOP

我要回覆10# 愛粉絲 的帖子

TOP

我要回覆1# evergreen 的帖子

evergreen
保重呀

TOP

嘩青青...你仲有心情影相既?????

嚇死人喇! 仲有冇痛? 有冇睇 e 生?
影相見相品!

TOP

我要回覆12#omwonder 13# the8 的帖子

個胸重係痛,條頸就好好多喇。
無睇醫生。

多謝問候。

TOP

同速度玩遊戲呢樣野,就一定要有心理準備有受傷的機會。
當年我在維園出賽時,大約時速五十公里抄車,右手臂骨斷裂,手碗間的波子走左位。右手,右身,右腳都抄到血淋淋。
另外也曾見過有單車友在林錦公路上斜時,被對面落斜的新仔抄到正,飛左落山,住左醫院一排,出返來都收得山啦!
所以,速度與受傷的機會是成正比例的,速度愈高,受傷的機會愈大!
保重,保重!
留起我的長髮,讓風的蒼勁能夠駐留;
蓄起我的鬍鬚,讓酒的濃烈可以流淌;

TOP

我要回覆15# arthur 的帖子

我係慢溜落去,單車屹尾出事的。
事後研判,因為太慢,唔夠動力過橫越地面的樹根,引至車尾屹起而失平衡,當日路面因為雨霧的關系,亦比較跣。
該路段落過好多次,都是快速的一次攪掂。

在此,亦好多謝你的祝福。

TOP

當年參加公路單車比賽,賽程由香港大球場至大浪灣再回大球場的約六十公里。比賽回程時,因天雨路滑,在港島大潭道落斜時不慎炒車,炒到半邊燒鵝脾,臉都花埋;這次是最嚴重的單車意外,現在過了三十多年,臉上、手腳的疤痕還隱約可見。

TOP

玩落山單車同公路單車唔同喎,,,,,
寧做痛苦的清醒者,,,,,,
不做無憂的夢中人.........
希望夢中人快d醒,,,,,,,,

TOP

引用:
原帖由 eddie24 於 2009-4-2 Thu 21:49 發表
玩落山單車同公路單車唔同喎,,,,,
係唔同,公路車講的是速度同團隊精神,
落山車是講求平衡同自我發揮!
留起我的長髮,讓風的蒼勁能夠駐留;
蓄起我的鬍鬚,讓酒的濃烈可以流淌;

TOP

我要回覆1# evergreen 的帖子

evergreen 版主呀
跌了約十米左右, 打了若干個360度的筋斗 , 成松都唉痛 又傷啦
去玩 "o麥仔" 都好,
都係要小心呵.

TOP

我要回覆20# QQ 的帖子


好多謝你的關心愛護。

TOP

發新話題