發新話題
打印

端午節詩

端午節詩

端午節詩

好快又到端午節,我最憎恨睇龍舟!
幾十龍船去競逐,單位名稱似堂口,
岸邊鬼佬好搞野,抄豬扮鴨扮海牛。
笑聲喊聲震天地,人聲鼓聲衝牛斗,
嚇到水鳥滿天飛,驚到魚蝦亂咁游。
條龍筆直冇身材,遠看以為係熱狗,
換左個頭變鳳艇,男扮女裝難接受,
唯有四維睇靚女,醉翁之意不在酒。

好快又到端午節,我怕果陣要食糉。
鹹肉糉又梘水糉,綠豆糉又裹蒸糉,
不單我唔鐘意食,難消化到我胃痛,
裡面唔會有蒸魚,更加沒有椒絲通,
現今飲食要均衡,食糉的確唔實用,
雖然糉就唔想買,又怕人話我冇糉(種),
名糉我係食唔起,但又唔想買賤糉!
最怕最後食唔晒,D糉放到過左冬。

好快又到端午節,人人都會講屈原。
皆因屈原好優雅,唔會走去打泰拳,
有空就會寫離騷,決不會把山背斷。
可惜為人幾長氣,日日去把皇帝勸,
皇帝只係唔用佢,佢就投江棄家園,
EQ看似唔多高,去選特首才上算。
後人拋糉落江河,免佢身軀有傷損,
搞到變晒東江水,污染環境眼都冤。

好快又到端午節,你問我許咩野願?
我話我唔想見到,屈原食糉睇龍船!
幸運兒不是我
因為我選擇的路更難走
如果夠出色
卻不能出頭
至少也做到沒第二個我

TOP

端午節會許願的嗎?  如是就希望繼續有此節日,繼續放假
以欣賞及感恩的態度,去感悟生命中的祝福

TOP

push
唔做死硬派,泥頭,奶頭,菜頭都玩.....

TOP

推黎做咩!?
幸運兒不是我
因為我選擇的路更難走
如果夠出色
卻不能出頭
至少也做到沒第二個我

TOP

發新話題